إنا لله وإنا إليه راجعون قصة وفاة احمد مانو
اكيد كلنا شفنا احمد مانو في فيديوهات كتير بيحاول يلعب باركور وبيقع بطريقه صعبه جدا وللاسف ناس الله يسامحهم كانو بيتصورو معاه او بيصوروه عشان يعملو فيديو تريقه عليه ويطلعو ترند
وفيه مدربين باركور ربنا يباركلهم كانو بيقفو جمبه وبيساعدوه
وياما قولت ربنا يحفظه هايحصله حاجه لكن اقدار
القصه
احمد مانو شاب من ذوي الهمم طيب ومحبوب من كل الناس وده باين من أثره الي ظهر من كميه دعوات الناس ليه بعد وفاته
مانو توفي بسبب انه كان بيتدرب وهو بيعمل حركه وقع علي ظهره الاسعاف جت شالته ولما عملوله اشاعه اكتشفو ان في فقرات اتحركت من مكانها وضغطت علي الغضروف ودا حصل بسبب لما كان بيقع كتير بشكل غلط وبطريقه صعبه
أحمد فضل ٨ ايام في العمليات ومش عارفين يعملوله عمليه في النخاع الشوكي بسبب الورم الي بين الفقرات ف كان لازم ياخد علاج عشان الورم ده يخف ويقدرو يعملوله العمليه بس للاسف حالته كانت بتسوء اكتر ومقدرش بتحمل وللاسف توفاه الله
الله يرحمه ويغفرله ويرزقه الجنه ويصبر اهله واصحابه وحبايبه عليه
وربنا يرزقنا حبه وحب الناس كده لما الواحد يتوفاه الله عشان يحس انه حقيقي ساب بصمه مع كل الناس