-1-

-2-

 فيه الف حاجة .. 

فيه جبابرة ستات و رجالة بيخبوا وجعهم و ضغطهم النفسى الرهيب تحت كلمة "مفيش حاجة"

 ، علشان ما حدش يستضعفهم ،

 او علشان ما يتقلوش على حد ،

 او علشان ياما اتكلموا و ما حدش حس بيهم و يمكن تعبهم بقلة اهتمامه ..

الناس دى عندها هم مايتلم 

، و اعباء فوق الطاقة ، و مسئوليات لا تنتهى ..

العظماء دول ما عندهمش حد يطيب خاطرهم و يشددهم 

، و بيحاولوا مايتقلوش علي حد بالشكوى و البكاء  وتصبره وتدعيله

 و الأقوياء دول لا يبكوا 

، انما ينهاروا داخلياً في صمت

 ،  من غير ما حد يحس بيهم..

ناس شايلة عيلتها و مكفية بيتها في اصعب الظروف ..

وناس اتوجعوا من الناس و الظروف و المرض و الظلم و ماشية وسطينا و هى حابسة دموعها ..

و الدنيا مليانة من ناس مصنوعة من الصخر 

، شايلة فوق طاقتها و صابرة و شاكرة و راضية .

جرح مستخبي .. 

قال الشاعر :

جرح في ضهر الخيل تحت السرج متداري..

لا الخيل بتشكي و لا الخيٌال داري ..

و ياما ناس تحت ضغط ناس تانية مكسورة، مجروحة، موجوعة :

ابن ابوه بيهينه و مش قادر يفتح بقه من الخوف ، زوجة جوزها يضربها و ساكتة

علشان الولاد، واحد بيشتغل عند حد كاسر قلبه و مش قادر يمشي علشان لقمة العيش..

يا اللي بتجرح حس بالمجروح ..

و يا مجروح ياللي مش بتشكي ليك رب يداوي الجروح ..

-3-

-4-