السنكسار ،زيت الميرون، سر الاعتراف، الافخارستيا، البطرشيل ،حامل الأيقونات، سائح، القداس، الغطاس، القربان ،المعمودية ،المغطس......

-1-

-2-

 السنكسار ،زيت الميرون، سر الاعتراف، الافخارستيا، البطرشيل ،حامل الأيقونات، سائح، القداس، الغطاس، القربان ،المعمودية ،المغطس......

-وكلمات تانية كتير ممكن تسمعها لو انت زورت كنيسة أو أثر قبطي ومتبقاش عارف معناها ف انهارده هنعرف شويه من الألفاظ دي

ودلوقتي خلينا نعرف معني الألفاظ دي في المعتقد المسيحي ....

-سر الاعتراف : وده من أسرار الكنيسة السبعة وفيه بيعترف الشخص بخطاياه لينال الغفران

-الأيقونة : صورة مقدسة للتذكير بسيرة صاحب الأيقونة وتكريم الأيقونة مش معناه انه المسيحي بيعبدها

-البابا : هو البطريرك يعني رئيس كل الرتب الكنسية ورئيس الاساقفة

-البتولية : التفرغ للخدمة التعبدية من غير زواج ودي اختيارية للي عايز يعيش حياة الرهبنة

-البخور : هو المادة العطرية اللي بتتحرق في المجمرة وارتفاعه للسما بيشير لارتفاع صلاة المسيحين

-البشارة :ودي علبة من الفضة بتحتوي الكتاب المقدس

-البطرشيل :  وده عبارة عن وشاح عريض خاص بالشمامسة

-بيت لحم : في فلسطين ودي القرية اللي ولد فيها السيد المسيح

-بيض النعام : بيكون معلق قدام الهيكل مواجهة للمصلين في الكنيسة ويرمز لرعاية الرب

-تاج : بيلبسه الأسقف أثناء الصلاة عشان يذكر المسيحين باكليل الشوك اللي وضع علي رأس المسيح وأنه بعد كده في الحياة الأخرى هيتحول لاكليل سماوي يوضع على رؤوس الأبرار والقديسين

-جرن المعمودية : عبارة عن وعاء ضخم من الحجر يملأ بالماء ويغطس فيه الشخص المعمد 3 مرات باسم الآب والابن والروح القدس

-خميس العهد : اليوم الخامس من اسبوع الآلام وفيه السيد المسيح غسل ارجل تلاميذه وصنع معهم العشاء ووضع اساس صلوات القداس

-الجمعة الحزينة : اليوم السادس من اسبوع الآلام وفيها تم صلب السيد المسيح

-الدير : مكان المعيشة للرهبان اللي اعتزلوا حياة العالم وفيه اديرة مخصصة للراهبات

-الراهب : الإنسان اللي اختار بإرادته انه يبعد عن حياة العالم ويخصص حياته كلها للعبادة

-زيت الميرون :وده بيتصنع من زيوت مختلفة ويلخط بالاطياب اللي قدمت عند تكفين السيد المسيح ووضعه في القبر

-السائح : هو الراهب اللي وصل لأعلى درجات الإيمان والنسك وعدد السياح في تاريخ الكنيسة قليل

-سفر : من الكتب اللي بيتضمنها العهد القديم في الكتاب المقدس

-سمكة : ترمز للسيد المسيح حيث أن حروف كلمة سمكة باليونانية ترمز للحروف الأولى من أسم السيد المسيح

-السنكسار : الكتاب اللي بيحتوي سير القديسين

-الشماس : درجة كهنوتية لحاملها واجبات معينة زي قراءة فصول الكتاب المقدس وخدمة المذبح

-الغطاس : عيد عماد السيد المسيح في نهر الأردن

-لحن : تسبيح منغم يتلي في الكنيسة ضمن صلوات القداس ويردده الشمامسة والشعب

-المذبح : مائدة مكعبة وسط الهيكل يوضع عليها الذبيحة المقدسة من الخبز والخمر ويرمز لقبر المسيح

-المنجلية : حامل الإنجيل وغيره من الكتب التي تقرأ في الكنيسة

-نياحة : كلمة معناها وفاة ولو استخدمت "نياح" ف معناها الراحة الأبدية اللى بيلقاها القديسين والابرار

-الهيكل : مكان تقديم الذبيحة وبيكون في الجهة الشرقية من الكنيسة ليكون أمام للمسيحيين الذين ينتظرون المجيء الثاني للمسيح من الشرق ولا يجوز دخوله لغير ذوي الرتب الكهنوتية ولا يجوز دخوله بالاحذية

-3-

-4-