يارب تكونوا بخير...
موضوع تقديم النقابة فتح وكدة، والتقديم مستمر طوال الوقت يعني مبيقفلش، في ناس بتقدم دلوقتي لو ورقهم جاهز، وناس بعد شهر وناس بعد سنة
بس طبعًا اللي بيتأخر سنة عن ميعاد التقديم بتاعه بيدفع 100 جنية غرامة عن كل سنة إتأخرها... والولاد بتقدم بعد الجيش عادي خالص مفيش مشكلة... التقديم مفتوح طوال الوقت بس في غرامات يعني... دا اولاً
https://www.facebook.com/SayadlaEG/
ثانيًا التقديم بعد ما شهاداتكم تطلع، لأن لازم الشهاده لانهم هاخدوا اتنين منهم (وهيتقبالك 3 شهادات)... ولازم شهادة الثانوية العامة (هتاخدها مع استلام الشهادات)...
ثالثًا ... إحنا بنروح النقابة العامة للصيادلة... مش بنروح الوزارة خالص... كان الأول الناس بتروح هنا وهنا، بس حاليًا بقى في مناديب وبتاع وورقك وتصريحك بيخلص في النقابة العامة يعني
اولا بتفتح امته؟ ...من الأحد للخميس من الساعة 8:30 صباحًا للساعه 3:30
طيب مكانها فين؟
1- المكان : الناس اللي هتروح بالمترو، هتركب إتجاه حِلوان وهتنزل محطة السيدة زينب... اما تخرج من المترو يعني هيكون في اتجاهين للخروج... بعد ما بتحط التذكرة في المكنة عشان تخرج، اخرج من البوابة اللي على ايدك اليمين مش الشمال يعني...هتنزل السلم عادي خالص وهتكسر شمال... هتدخل زي سوق كدة، وهتشوف المكان اللي كنا بنجيب من الادوات بتاعة السكاشن، لو حد بيشتريهم من السيدة زينب يعني
المهم هتفضل ماشي على طول لا تغير لا يمين ولا شمال، لغاية اما توصل للطريق بتاع العربيات... هتكسر يمين وتعدي الطريق تروح الناحية التانية... هتتمشى شوية هتلاقي شارع كدة على ناصيته صيدلية إسمها (صيدلية جاردن سيتي) ادخل الشارع وهتكون وصلت هتلاقي قدامك زي نادي كدة في شجيرات وبتاع، هتدخل على طول... او شغل GPS واكتب (النقابة العامة للصيادلة)...
او المكان اهو يعني
النقابة العامة للصيادلة
02 27925715 (دا رقمهم وفي ارقام في اول الصورة برده بس مش بيردوا اوي يعني) 😂
https://maps.app.goo.gl/og7sAkkTindrbu6B7
وامشي عليه هتوصل... اول اما توصل هتدخل عادي، متقفش في طوابير ولا أي حاجه... هتفضل ماشي طوالي للآخر ع ايدك اليمين كدة هتلاقي مكتب لونه ابيض مكتب... والمكتب دا فيه 4 شبابيك (شباك 1،2،3،4)
اول اما تروح، هتروح على شباك رقم (1) هتقوله انك عايز تقدم في النقابة،
هيقولك اول مرة ولا لأ، هتقوله آه اول مرة... هيديك ورقة تملأها عادي،
هتقعد على جنب كدة هتلاقي في كراسي وناس قاعدين بيملأوها... اقعد معاهم وكمل الورقة... في الورقة هيطلب منك تاريخ صدور نتيجة الثانوية العامة... اكتب (2016) اللي هي سنه الثانوية عندكم...وهيكون طالب تكتب النقابة الفرعية بتاعتك... دي هتلاقي لوحة كبيرة ملونه كدة متعلقه جنب الاربع شبابيك دول اللي هو المكتب اللي أخدت منه الورقة (او هتلاقيني حاططلك الصور في البوست يعني)...
طيب النقابة الفرعية دي بتتحدد ع أي أساس؟ ...ع أساس بطاقتك الشخصية... محافظتك بمعنى اصح... ف انت تبع القليوبية ف نقابتك الفرعية في بنها، تبع القاهرة ف نقابتك الفرعية في شارع التحرير في السيدة زينب (جنب النقابة العامة بشارعين كدة)... وهاكذا.
طيب ايه اصلا الفرق بينهم؟
اولاً العامة دي من إسمها، الأساس او المركز بتاعهم... دي اللي بتقدم فيها في البداية، زي ما تقول مقر شركة كدة والشركة ليها فروع كتير في كل المحافظات
طيب الفروع دي او (النقابات الفرعية)... دي عشان قريبة منك اكيد، بتروح تخلص ورقك فيها، سواء تقديم النقابة (بس لو حد راح الفرعية وقدم فيها عادي هينفع بس هيدفع فلوس ازيد ب 200-300 جنية والكارنية وكدة هيتأخروا شوية في الظهور)... وممكن تعمل تصريح الصيدلية بتاعتك منها (بعد سنة بإذن الله)، وتخلص اوراقك من الفرعية يعني
المهم نكمل
2- خلصت الورقة، هتقوم رايح على
شباك رقم (2) ،
هتديله الورقة، هيبص عليها وبعدين هيقولك طلع
(شهادة التخرج (اصل)
+ الفيش (اصل)
+ صورة البطاقة
+ صورة شهادة الميلاد
+ صورة شهادة ثانوية عامة
+ صورتين شخصية مختومين من الكلية
+ صورة من موقف التجنيد
)... هياخد الورق دا وهيدبسه، وهديهولك هيقول
روح على شباك رقم (3)،
هتروح تديهم الورق، هيبصوا عليه ويسجلوه وهتقولك
روح شباك رقم (4) عشان تدفع مبلغ
(معين من المال...عندنا كان في الاول وقت ما انا قدمت 1060 جنية، وبعد شهر زادوا ل 1200 عشان السنة الجديدة...ف معرفش هتدفعوا كام صراحة ف خدوا فلوس أحتياطي ازيد من 1500 مثلاً)
والكليات الخاصة بيدفعوا فوق ال 5000 جنية وقت التقديم، فَ لو حد سمع الأرقام دي ف هي للخاص مش لينا، احنا ما يقارب ال 1500 بس يعني
المهم الشبابيك لازقين في بعض عادي... بعد ما تدفع، هتاخد إيصال دفع... هتاخده و
ترجع على شباك رقم (2) تاني... هتسلمه الإيصال
+ الورقة اللي دبسوه ومعاك دا وهيقولك استناني انده عليك...
هتقف شوية هينده عليك وهيديك الإيصال اللي لسه واخده منك..
. وهيقولك روح اعمل التصريح (دا اللي كنا بنروحله الوزارة بس زي ما قولت مبقيناش نروح يعني، وبنخلص كله هناك)
والتصريح دا عباره عن ورقه كدة (ورق زي ورق اللوحة كدة)، 3 تصاريح هتستلموهم يعني وقابلين انك تطلع عليهم تاني عادي خالص بس تقريبًا وقتها بتروح الوزارة بقى (مش متأكد من دي اوي لأني مجربتش)... والتصريح ايوة بتخلص عشان تقديم شركة، مصنع، صيدلية، كدة يعني.
3- مكان التصريح بقا...معرفش غيروا المكان ولا لأ، بس لو غيروا هيقولولكم يعني... انا بقول اللي حصل معانا... المهم تخيل انك واقف قدام المكتب اللي عملت في تسجيل النقابة (كأنك خارجوخلاص من مكان ما جيت)... هتفضل ماشي طوالي وتكسر شمال في شمال، لغاية اما توصل لخيمة كدة زي الصوان بتاع العزاء دا...
المهم اما تروح الخيمة هتقولك هتلاقي على ايدك اليمين سلم نازل لتحت كدة، انزله وادخل اول اوضه على ايدك الشمال هتقابلها، اما تدخلها هتلاقي راجل على ايدك الشمال قاعد، هتديله الوصل وهيقولك انتظر هنده عليك... هينده عليك وهيديك الوصل اللي لسه واخده منك + وصل تاني بقيمة (130 جنية دا اللي دفعناه احنا بس طبعًا ممكن يزيد عندكم) وهتديله الفلوس اما تاخد الوصلين دول...
4- اما تاخد الوصلين، هتطلع تاني السلم وتروح عند الخيمة، هتدخلهم جوا هتاخد ورقة في مُجلد كدة، هتملأها لغاية الرقم القومي بتاع بطاقتك بس، وبعد ما تخلص هترجعلها تاني... هتاخد منك المُجلد اللي جواه الورقة اللي ملأتها دي...
وهتاخد منك
(شهادة التخرج (اصل)
+ صورة بطاقة
+ صورة شهادة ميلاد
+ صورتين مختومين من الكلية
+ صورة من موقف التجنيد)
ومش هتاخد صورة من شهادة الثانوية تاني اصلاً (دا عندنا ويمكن ياخدوها عندكم ف صوروها احتياطي) واخدوا 4 صور شخصية بس... مش 6 ولا حاجة...
وهيتبقى معاما صورتين مختومين (وبرده ممكن ياخدوا منكم ال 6 كلهم) ..
.ونموذج صحة 13 دا ملزوق في الورق اللي هي ادتهولك تملأه ودا اللي ملأته اصلا ف انت مش بتشتري حاجه خالص يعني
5- اما تاخدهم منك، هتدبسهم وهتقولك
صور رقم النقابة اللي متعلق (الرقم اللي في الصورة)
، وهتقولك اتصل بيه بعد 20 يوم عشان تشوف تصريح المزاولة نزل ولا ل
أ، والكارنية بعد شهر للأسف وهنستلمه من النقابة الفرعية بتاعتن
ا (اللي كتبناها وإحنا بنملأ ورق النقابة في الاول) ...وبس كدي هتمشي وخلاص... اليوم خلص.
طيب تقريبًا في البداية التصريحات بتطلع متأخر شوية (دا ع ايامي)، ف اللي قدم في الاول استلمه بعد 20 يوم غالبًا، انما بعد كام شهر اصبح التصاريح لو قدمت ااصبح بدري، بتاخدهم ع الظهر كدة... والكارنية بيتاخد بعد 20 يوم برده او شهر بس من النقابة الفرعية!
يعني هتروح العامة وتقدم زي ما قولنا، استلمت التصريح يوميها، كان بيها وخير وبركة، مستلمتهوش، هتشوف ترن عليهم او هما على صفحتهم (النقابة العامة لصيادلة مصر) بينزلوا اسامي الناس اللي تصريحاتهم اتعملت... هتروح تستلم التصريح من النقابة العامة اللي انت لسه مقدم فيها دي
طيب والكارنيهات؟... هتاخد 2 كارنية... هناخدهم من النقابة الفرعية
كارنية للنقابة العامة انك مُقيد فيها
+ كارنية للنقابة الفرعية
طيب عرفنا نقابتنا الفراية فين وعنوانها ورقمهم مكتوب (مش بيردوا اوي برده) 😂
المهم بعد 20 يوم كدة اتصل بيهم اسألهم كارنيهاتك طلعت ولا لأ
لو طلعت خير وبركة هتروح النقابة وتاخدهم.... بس هنا للأسف هتدفع فلوس تاني... للأسف
لو انت تبع القليوبية (انا دفعت 100 جنية وملأت ورقة كدة وانتظرت نصف ساعة واخدت الكارنيهات + ميدالية النقابة ومشيت) والفلوس زادت دلوقتي
لو تبع القاهرة تقريبًا دفعوا 150 او 350 جنية مش فاكر، بس اخدوا منهم صورة بطاقة وصورة التصريح باين ومش عارف اخدوا صور شخصية ولا لا... ف خدوهم إحتياطي يعني
ولو تبع الجيزة برده تقريبًا 350 او اقل... ولو تبع الشرقية دفعوا 550
وطبعًا الفلوس زادت يعني ف اعملوا حسابكم 😅
هتستلم التصاريح والكارنيهات وخلاص يا سيدي كدة دنيتك خلصت الحمد لله
كل سنة بقا بتروح تدفع إشتراك النقابة، تقريبًا 100 جنية برده
وفي هناك حاجه اسمها
المشروع العلاجي (هبقى انزلكم بوست عنه)
دا انت بتشترك في النقابة ولو في كشف او حاجه بيتعملك خصومات يعني ع الكشف والأشعة والتحاليل في اماكن معينة (موجودة في كُتيب للنقابة)
وتقدر تشترك فيه لوحدك او تدخل اهلك معاك وكل شخص له فلوس معينة طبعًا كل سنة تندفع
وفي حاجه تانية اسمها تأمين اجتماعي باين، بتدفع كل سنة بتاع 90 جنية وبعد ال 60 بتاخد رقم معين من النقابة (ك فلوس) ...ولو الشخص توفاه الله (ربنا يرحمنا يعني) اهله بياخدوا فلوس برده
طيب الاوراق بتاعة النقابة موجودة في البوست في الصورة او انا كتبتهم من ضمن الكلام
طبعًا في الصورة مكتوب من اول رقم 8 في حاجات متوب جنبها للكليات الخاصة او خاص... دا مش لينا، ومش هنجيبهم يعني... احنا هنجيب لغاية رقم 7 في اول طلبات ولغاية 8 في تاني طلبات، او زي ما انا قولت يعني
طيب الموقف من التجنيد للولاد؟
1- اللي دُفعة اولى دول طبعًا هيقدموا ب ال 110 بتاعتهم (لو كانوا اخدوا لائق او تأجيل طبي)... هتصورها وتقدم بيها
2- اللي اخدوا إعفاء هيقدموا بشهادة الإعفاء برده عادي هيصورها ويقدم
3- اللي دفعة تانية لسه، دول بيروحوا مكتب التجنيد (الهايكستب وباقي الاماكن) وتقوله عايز اعمل إفاده موقف التجنيد... بتدفع فلوس رمزية كدة وتقريبًا بياخد صورة بطاقة وصورة شخصية (مش متاكد)... ويديلك ورقه صلاحيتها تقريبًا 15 يوم فقط... ودي بتقدم بيها عادي برده
والبطاقة علما اتذكر مش لازم تكون سارية، المهم صورة بطاقة وخلاص
والفيش بيتعمل للولاد والبنات (ب 70 جنية وصورة بطاقة) وبتاخده بعد يومين... وهتقوله موجه للنقابة العامة للصيادلة (هيكتب فيه كدة)
تقريبًا بس كدة لو افتكرت حاجه تاني هقولها.
الخلاصة
============
أعلنت نقابة الصيادلة، الإجراءات والأوراق المطلوبة للقيد والحصول على عضويتها، واستخراج تراخيص وزارة الصحة، مؤكدة ضرورة أن يتم تسليم الأوراق بالنقابة من خلال الصيدلى بشخصه.
(1) استخراج كارنية النقابة:
- أصل شهادة التخرج.
- صورة شهادة الميلاد.
- صورة البطاقة الشخصية.
- صورة من الموقف من التجنيد.
- عدد 2 صورة شخصية مختومة بختم الكلية.
- صورة شهادة المعاجلة للجامعات الخاصة.
- أصل الفيش الجنائى موجه للنقابة.
- صورة شهادة الثانوية العامة "معادلة إذا كانت من الخارج".
(2) استخراج تراخيص وزارة الصحة:
- أصل شهادة التخرج.
- صورة شهادة الميلاد.
- صورة البطاقة الشخصية.
- صورة الموقف من التجنيد.
- عدد 2 صورة شخصية مختومة بختم الكلية.
- أصل إيصال سداد النقابة.
- دوسيه للحفظ.
- نموذج صحة 13 من وزارة الصحة.
- أصل شهادة المعادلة للجامعات الخاصة.
- أصل شهادة التشريعات للجامعات الخاصة.
- أصل شهادة حسن سير وسلوك للجامعات الخاصة.
- شهادة تدريب 800 ساعة مختومة بختم الصيدلية + صورة رخصة الصيدلية أو ختم الإدارة الصحية للجامعات الخاصة "أصل".
===================
كلام 2020
==================
وبالنسبة لمصاريف اشتراك نقابة الصيادلة 2020-2021 لأول مرة لخريجي كليات الصيدلة في الجامعات الحكومية 1000 جنيه.
اشتراك خريجي الجامعات الخاصة 3500 جنيه.
خريجي الجامعات الأجنبية 3500 جنيه.
حاملي الجنسية الأجنبية 5500 جنيه .
كما يوجد شرائح الاشتراك من 1- 3 سنوات ب 100 جنيه، الشريحة الثانية من 4- 6 سنوات ب 140 جنيها، الشريحة الثالثة من 7 – 15 سنة ب 200 جنيه، الشريحة الرابعة أكثر من 15 سنة ب 250 جنيها.
مصاريف رسوم تجديد كارنيه نقابة الصيادلة:
– دفع الاشتراك السنوي حسب الشريحة.
– مصاريف تجديد كارنيه نقابة الصيادلة ٢٥ جنيها.
– مصاريف صندوق التكافل ٢٤٠ جنيها.
– مصاريف التحاليل الدورية والفحص الشامل ٢٨٠ جنيها.
ويمكن للصيادلة التسجيل في مجالات التخصصصات المختلفة وأبرزها :_(التحاليل الطبية،الميكروبولوجى أوالكيمياء حيوية،إدارة جودة، إدارة مستشفيات، إدارة صيدلة اكلينكية، عقاقير، رقابة دوائية، مكافحة عدوى ،صيدلانيات،صيدلة صناعية،سموم، يقظة دوائية، إدارة اعمال، ادارة موارد بشرية..إلخ).
الأوراق المطلوبة للتسجيل:
_شهادة الدبلومة أو الماجستير
_صورة كارنية النقابة
_صورة البطاقة الشخصية
بالنسبة للاستشارى:
يتطلب ان يكون حاصل على شهادة الدكتوراة
الأوراق المطلوبة:
_أصل شهادة الدكتوراة
_المحتوى العلمى
_صورة كارنية النقابة
_صورة البطاقة
وتضمنت الأوراق المطلوبة لفتح معمل للتحاليل الطبية مايلى:_
• اصل شهادة التخرج من كلية الصيدلة.
• أصل الماجستيرأو الدكتوراة أوالدبلومة.
• أصل المحتوى العلمى المدروس.(وليس بيان الدرجات).
• شهادة قيد بالنقابة.
• فيش جنائى موجهة إلى وزارة الصحة سارى.
• صورة موقف من التجنيد طبق الأصل مختومة.
• عدد 3صور شخصية.
• صورة كارنية حديثة.
• صورة البطاقة.
وأوضحت النقابة العامة ان الأوراق المطلوبة للقيد بالنقابة واستخراج الكارنية كالتالى:
1_شهادة التخرج أصل
2_شهادة الميلاد صورة(بعد الاطلاع على الاصل)
3_البطاقة الشخصية صورة (بعد الاطلاع على الاصل)
4_الموقف من التجنيد صورة(بعد الاطلاع على الاصل)
5_عدد 2صورة شخصية مختومة بختم الكلية
6_شهادة المعادلة للجامعات الخاصة صورة(بعد الاطلاع على الاصل)
7_الفيش الجنائى موجه للنقابة اصل
8_شهادة الثانوية العامة(معادلة إذا كانت من الخارج) صورة(بعد الاطلاع على الاصل)
إما بالنسبة للأوراق المطلوبة لإستخراج التراخيص من وزارة الصحة:-
1_شهادة التخرج أصل
2_شهادة الميلاد صورة (بعد الاطلاع على الاصل)
3_البطاقة الشخصية صورة (بعد الاطلاع على الاصل)
4_الموقف من التجنيد صورة(بعد الاطلاع على الاصل)
5_عدد 2صورة شخصية مختومة بختم الكلية
6_إيصال سداد النقابة أصل
7_دوسيه للحفظ
8_نموذج صحة 13(من وزارة الصحة)
9_شهادة المعادلة للجامعات الخاصة أصل
10_شهادة التشريعات للجامعات الخاصة أصل
11_شهادة حسن سير وسلوك للجامعات الخاصة أصل
12_شهادة تدريب 800 ساعة مختومة بختم الصيدلية+صورة رخصة الصيدلية أو ختم الإدارة الصحية (للجامعات الخاصة) أصل.