تعرف كام طريقة لبرمجة تطبيقات الموبايل ؟ مهندس بديع موسى راجى

-1-

-2-

تعرف كام طريقة لبرمجة تطبيقات الموبايل ؟

لو بتفكر تنفذ تطبيق موبايل من الصفر هيكون قدامك اكتر من طريق :

👈 الطريق الأول: انك تنفذ التطبيق بلغة البرمجة الأصلية زى انك تستخدم Java او كوتلن فى برمجة الاندرويد او تستخدم Swift فى برمجة الـ iOS، والتطبيق اللى اتنفذ هيكون تطبيق اصلى واسمه App Native

👈 الطريق التانى: انك تنفذ التطبيق باستخدام لغات الويب زى (HTML/CSS/JavaScript) والتطبيق ده هيكون اسمه Hybrid App او تنفذ التطبيق باستخدام لغات اخرى زى C# او لغة Dart عن طريق منصات الـ Cross Platform

والـ Cross Platform هو تقنية او اداة بتمكن المبرمجين من كتابة تطبيقات موبايل تشتغل على جميع انظمة التشغيل زى الاندرويد وiOS والويندوز وغيرهم فى نفس الوقت باستخدام كود واحد او لغة برمجة واحدة.

طيب وايه الفرق بين التطبيقات الـNative والتطبيقات الـ Hybrid والـ Cross Platform ؟ 

بناءاً على اراء العديد من المبرمجين:

- التطبيقات اﻷصيلة بتكون افضل من التطبيقات الـ Hybrid من حيث اﻷداء والسرعة وبعض مزايا التعامل مع النظام الاساسى، إلا أن مؤخراً بعض تطبيقات الـ Cross Platform تطورت جداً واصبحت متقاربة من حيث الاداء مع التطبيقات الأصلية

- لو هتنفذ تطبيقات Native متحتاج تبرمج نسخة لكل نظام تشغيل، نسخة للأندرويد بالجافا، ونسخة للـ iOS بلغة سويفت، ونسخة للويندوز فون بلغة سي شارب

- التطبيقات الـHybrid والـ Cross Platform بتكون افضل من حيث سهولة التطوير وتوفير الوقت والمجهود، بالأضافة لسهولة تعلم لغات برمجة الويب (HTML-CSS-JavaScript) مقارنة باللغات برمجة التطبيقات الأصلية

ومن اشهر منصات وإطارات عمل تطبيقات الـ Hybrid والـ Cross Platform:

🔹 React Native :

هو اطار عمل او فريمورك مجانى ومفتوح المصدر لبرمجة تطبيقات موبايل اصلية Native باستخدام لغة JavaScript، تم تطويره عن طريق شركة Facebook وتم استخدامه فى برمجة تطبيقات موبايل مشهورة زى تطبيق Facebook وتطبيق Instagram وتطبيق Uber و Skype وغيرهم، وحالياً الـ R

eact Native واحد من اكتر التقنيات المشهورة والمطلوبة فى سوق العمل سواء فى مصر او برا مصر

🔹Ionic :

ايونيك هو منصة او اداة لمبرمجين الويب، لتطوير وبرمجة تطبيقات موبايل هجينة Hybrid App، باستخدام لغات برمجة الويب ( HTML و CSS و JavaScript)، تم تطويره من قبل شركة Drifty، وتم استخدامه فى تطوير تطبيقات موبايل زى MarketWatch و Pacificaو McDonald’s Türkiyeو Sworkit وغيرهم

🔹 Cordova :

زى ايونيك، هو منصة مفتوحة المصدر تم تطويره عن طريق شركات متعدده زى Googleو IBM و Microsoft ويعتبر اقدم Platform موجوده حالياً لتطوير تطبيقات الموبايل باستخدام لغات برمجة الويب، وبيستخدم عادة فى بناء تطبيقات موبايل للشركات، تم استخدامه فى تطوير تطبيقات زى FanReact و Localeur 

🔹 Xamarin : 
زامرن هو واحد من افضل اطارات العمل اللى ظهرت مؤخراً، تم تطويره عن طريق شركة مايكروسوفت، بيستخدم فى برمجة تطبيقات موبايل Native باستخدام لغة C#، وهو الحل الأفضل لمبرمجين الـ.Net لتطوير تطبيقات موبايل Cross Platform تشتغل على الاندرويد والـiOS والويندوز فون، وXamarin زى React من اكتر التقنيات المطلوبة دلوقتى فى سوق العمل

🔹 Flutter :

احدث فريمورك ظهر لتطوير تطبيقات موبايل Cross Platform، طورته شركة جوجل وبيستخدم لغة برمجة اسمها Dart وهى لغة ابتكرتها شركة جوجل كبديل للغة جافاسكريبت، تم استخدامه فى تطوير تطبيقات زى Alibaba وتطبيق Google Ads وتطبيق AppTree وتطبيق Google Greentea وغيرهم 

واخيراً ممكن نقول ان كل طريقة منهم سواء Native او Hybrid او Cross Platform ولها مميزات ولها عيوب، انت بتختار الحل الأفضل ليك على حسب مهاراتك والوقت المتاح والميزانية اللى معاك وطبيعة التطبيق نفسه

-3-

-4-